البياعين
شعر بالعامية المصرية
ايام تلاقي كل الناس حلوين
جدعان وطيبين
يخدموك بالعنين
من غير مايعرفوا انت مين ؟؟
وايام تلاقيهم افلين
متنحين ومتلحمين
قلالات الأدب ... ووحشين
لا عليك يردو , ولا نفسهم طايقين
والكلام طالع من بؤهم زي الطين
تسأل فلان ... ده بكام ؟؟ يقلك بمتين
وعِلان يوقفك اخر الطبور ساعتين
وما يديكش في الاخر غير رغيفين
بس تعرف ... هم معزورين
اصلهم في عيشتهم طهقانين
ومن الحر قرفانين ( كتبت هذة القصيدة في عز الصيف)ـ
فاصلين ... زهقانين
ومش عارفين
يجيبو المم منين
نفسهم يعيشولهم يومين
بس مين ؟؟؟
امتي وفين ؟؟
دول يا حسرة من طلعة النهار سرحين
من بيوتهم نزلين ... وعلي شغلهم ريحين
وهمهم وهم عيالهم شايلين
لا فاضي يسال كيفك ... ولا عايز يعرف انت مين
ومنهم الي الشمس وقفاله علي الجبين
تبص له وتقول له ... هاتروح مني فين؟
والي قاعد علي الرصيف يبيع له خيارتين
والتانية واقفه حافية علي الاسفلت تقطع تين
وابنها في ديلها يبص علي الي مشيين
كان نفسه يكون بني ادم ... بس منين ؟؟
هو فاكر نفسه مين ؟؟
والتاني رايح والتالت جاي مش عارف منين
الهَم باين في العنين
ماهم خلاص بقو علية متعودين
وهاتفضل الحياه ماشية , وهم ماشيين
تشيلهم بلاد وتحطهم ... وهم راضيين
عرفت بقى هم ليه رزلين ؟؟
بزمتك مش معزورين ؟؟؟
ايام تلاقي كل الناس حلوين
جدعان وطيبين
يخدموك بالعنين
من غير مايعرفوا انت مين ؟؟
وايام تلاقيهم افلين
متنحين ومتلحمين
قلالات الأدب ... ووحشين
لا عليك يردو , ولا نفسهم طايقين
والكلام طالع من بؤهم زي الطين
تسأل فلان ... ده بكام ؟؟ يقلك بمتين
وعِلان يوقفك اخر الطبور ساعتين
وما يديكش في الاخر غير رغيفين
بس تعرف ... هم معزورين
اصلهم في عيشتهم طهقانين
ومن الحر قرفانين ( كتبت هذة القصيدة في عز الصيف)ـ
فاصلين ... زهقانين
ومش عارفين
يجيبو المم منين
نفسهم يعيشولهم يومين
بس مين ؟؟؟
امتي وفين ؟؟
دول يا حسرة من طلعة النهار سرحين
من بيوتهم نزلين ... وعلي شغلهم ريحين
وهمهم وهم عيالهم شايلين
لا فاضي يسال كيفك ... ولا عايز يعرف انت مين
ومنهم الي الشمس وقفاله علي الجبين
تبص له وتقول له ... هاتروح مني فين؟
والي قاعد علي الرصيف يبيع له خيارتين
والتانية واقفه حافية علي الاسفلت تقطع تين
وابنها في ديلها يبص علي الي مشيين
كان نفسه يكون بني ادم ... بس منين ؟؟
هو فاكر نفسه مين ؟؟
والتاني رايح والتالت جاي مش عارف منين
الهَم باين في العنين
ماهم خلاص بقو علية متعودين
وهاتفضل الحياه ماشية , وهم ماشيين
تشيلهم بلاد وتحطهم ... وهم راضيين
عرفت بقى هم ليه رزلين ؟؟
بزمتك مش معزورين ؟؟؟
حازم سلطان
11/8/2007
2 comments:
صحيح الشعب كله بقى غلبان
ومش طايق نفسه
والشباب بتنتحر عشان مش عارفة تتوظف وتعيش
والمشكلة ان كله بيبص لنفسه وفاكر انه هوه بس اللى بيعانى
وانتشرت الانانية
ربنا يهدى
حلوة وملعوبه
Post a Comment