مش عارف لية الحياة ديماً بتاخد الواحد
للمرة الثانية باتوقف عن التدويين .... بس المرادي مش بسبب اليائس او الاكتئاب .... انما بسبب مشاغل الحياة وضغوطها
بس اعتقد ان هذه المضغوط هي السبب الي بيخليني ارجع تاني للتدوين
لااحظت - زي مانتو اكيد لاحظتو - انتشار فكرة الاضراب العام ,و اقتناع الناس بمدي تاثيره علي تغيير الظروف السياسية
فمثلا الاضراب الي عمله موظفي الضرائب العقارية الي ادى في النهاية الي تحقيق مطالبهم , وكذالك الوقفة الاحتجاجية لعمال احد المصانع امام مجلس الشعب احتجاجا لعدم صرف مرتبتاتهم لمدة ثلاثة شهور
بل ان الامر المضحك انك لو كتبت كلمة" اضراب" علي الجوجل هتلاقي عشرات النتائج بتتكلم عن اضرابات واعتصامات من الشعب المصري احتجاجا او اعتراضا وان كانت اغلب مطالبهم شخضية مش قومية
بصرحة انا تفائلت ... وحسيت ان في نوع من الوعي السياسي بداء يتسرب ويتوغل في جسد الشعب المصري السقيم
لغاية ما وصلني اميل مجهول الهوية بيتضمن دعوة للشعب المصري ... بيطلب فيها من كل العمال والمدرسين والدكترة والطلاب وغيرهم من فئات الشعب المختلفة , انهم يقومو باضراب جماعي يوم ستة ابريل الجاي
وساعتها سألت نفسي سؤال مهم .... السؤال هو : هاينفع ؟؟؟؟؟
بمعني اخر ... هل الاضراب دة ممكن يحصل فعلا ؟؟؟؟ ولا الكلام مش بفلوس
ياتري ممكن كل فئات الشعب تتجمع علي فكرة واحدة ... زي ماحصل في ثورة 19
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
علي العموم هنشوف
بس حقيقي ... لو نجحت الحركة دي ..... هتتغير حاجات كتييييييييييييييييييييير
اخوي الكبير قل لي زمان كلمة مهمة قوي
قالي ان شعوب اوربا بتنعم دلوقت بالحرية .... لانهم دفعو ثمنها من دمهم .... والشعب الي عايز ينعم بالحرية ... لازم يدفع ثمنها
1 comment:
Welcome back
منور من تاني
بالنسبة للاضراب
فيه تساؤل جه في ذهني على الجملة الاخيرة
هل الشعب دلوقتي عنده الاستعداد انه يضحي بدمه عشان حريته
ولا لسه عايز مرمطة وضرب ع القفا كمان شوية عشان يكون عنده الاستعداد ده
والكل مترقب يوم 6 ابريل
واقرب اضراب خاص باضراب اعضاء هيئة التدريس بالجامعات المصرية
Post a Comment