ترددت كتير قبل ما اكتب البوست دة ..... لان الكثيرون من اصدقائي الي شافو الرسمة دي قالولي ان معناها غامض
فقررت اني اعرض اللوحة عليكم ... وانتم تقولولي فهمتو منها اية
بس ... ارجو منكم امعان النظر في تفاصيل اللوحة ... وعدم التسرع في تفسيرها
لو عايز تعرف انا مين !!ـ
- ناجي العلي 2000
- تقدر تقول علي فنان تشكيلي ... رغم اني مدرستش في اي كلية ليها علاقة بالفن -محسوبك ليسانس حقوق- بس من صغري وانا بحب الرسم ... وحالياً بشتغل مصمم جرافيك بحب رسم الكريكاتير وبعتقد ان لي وجهة نظر متيم بالعظيم ويليم شيكسبير ... مدمن مسرحياته .. وطبعا من اشد المعجبين بالفنان الشهيد ناجي العلي
ناجي العلي
الفنان الشهيد .. الذي كان بمثابة كابوس لاعدائة ... بمجرد ورقة وقلم رصاص !!ـ
William Shakespeare
عشقي الاول
عيون الكاميرا
راعي الاغنام ...... انها حتما لغة ما !0
رمز الإعلام الحر
مصطفي محمود ... معلم الجيل
الرئيس جمال عبد الناصر
المصري الوحيد ... الذى حكم مصر
أخر الرجال المحترمين
16 comments:
انا بصيت فى اللوحه كويس واللى حسيته ان ده احنا
حريتنا بنخاف منها ولازم ندارى...والناس كلها بتتفرج
نفسي اعرف الناس بتتفرج علينا ليه؟؟
رايي صح؟؟ولا انت تقصد بيها ايه؟
سالي محمد
=======
اولا احب ارحب بيكي في مدونتي المتواضعة
وارجو ماتكونش اخر زيارة
بالنسبة لتفسيرك للوحة ... فهو اكيد صح
لان من مميزات الرسم التجريدي ان كل واحد بيشوفة من خلال نفسة
وبالتالي يقدر يفسرة زي ما هو حاسس به
طيب بس انت ماقلتش وجهة نظرك
بصي يا ستي
انا شايف ان الشخص الي برة دة هو الفنان المبدع (سواء رسام او شاعر او اديب او ممثل ..... الخ) .. الي بينظر الي الكون بنظرة مختلفة عن الناس العاديين
وطبعا باين من هيئتة انه مخلوق مثالي جميل
بالنسية للناس التانية بقي الي جوي البيت .... فدول هم الناس العاديين .... مش بس الجهلة .... انما كمان عديمي الثقافة .... عديمي الاحساس
الي مش بيبصو للفنان دة بعين النقد ... وانما بيبصوله بعين الحقد
بيعتبروه انسان شاذ عن المجتمع ... في حين انك لو بصيتي لاجسامهم ووشوشهم هتلاقيهم هم الي ساذين عن البشرية
وطبعا الناس دول محبوسين داخل البيت الضيق المتهدم الكئيب
البيت ده بيمثل الحياة الروتينية ... الي الانسان فية بيبقي زيه زي
البقرة ... ياكل ويشرب ويخلف ويجيب فلوس
بعيد كل البعد عن الروحانيات والرومنسيات
ده كان قصدي من اللوحة ... بس كل تفسير للوحة دي يختلف مع تفسيري ... هو تفسير صحيح مية في المية
لاني زي ما قلت ( كل انسان بيفسر الرسم التجريدي او السيريالي من وجهة نظرة الشخصية)ـ
بس مفسرتش برده الحزن اللى باين على وش الفنان؟؟؟
انت لية شيفاه حزن ..... مش ممكن يكون حالة اندماج .... حاله نشوة عارمة لدرجة البكاء
؟؟؟؟؟؟؟؟؟؟؟؟؟؟؟؟؟؟
:)
إيه الحكاية يا أبو النوج؟
الموضوع باين عليه (فن بجد)
عموما..
أنا شايف إن الراجل الى قاعد ده (أنا)و الناس الى واقفة دى هى كل المدونين الى أنا أعرفهم..
بس و النبى يا أبو النوج ..مكن ترسملى قميص ألبسه أحسن لو الشتا جه عليا فى البورتريه الأسود ده تبقى نصيبة
هههههههههههههه
لأ بجد وبعيدا عن المزاح.
فنان موهوب من غير كلام
ربنا يباركلك فى ريشتك
ويبعد عنها (أنفلوانزا الطيور)
ههههههههه
برضه لازم أختمها بالضحك ....غصب عنى
سلامى ليك
واحد من البلادي
==============
حبيب قلبي .... وحشني والله
تمام والله .. تعليقك علي اللوحة في محلة ... لان باعتبارك فنان كبير (طبعا( وشاعر قدير (حتماً) فده بيعني انك مكان الراجل المتحرر من سجن الدنيا
والمدونين الغلابة الي زي حلاتي قعدين بيبصولك وبيتمنوا يقلدوك بس مش عرفين
طبعا مش ها يعرفوا ... هي الانصاص قامت والقوالب نامت ولا اية ؟
:D
شكرا يا باشا علي كلامك اللذيذ
ابو النوج
تفسيري للوحه كان
ان الشخص ده لانه مثالى وافضل منهم في حجمه وهيئته....فالناس اللى بعيد مترصدينله مراقبينه ومنتظرين عليه انكشاف المستور....ومستخبيين بردو منه رغم كترهم...بس لانهم في صوره غير مثاليه
زيه...لا في شكله ولا ف حجمه فعلى خوف من مواجهته
....
=====
انا على فكره ليا في الفن التشكيلي بردو.... لما اعرضهم ع المدونه لاحقا... ابقي اتمنى اسمع راي حضرتك فيهم
مافيش جديد؟
حطم القيود
==========
تمام تعليقك ... بيني وبينك هو اقرب تعليق للي في دماغي
:)
سالي محمد سالم
===========
قريبا جدا انشاء الله ... المشاغل بقي انتي عارفة اني مهم
:D
بنات افكاري
===========
.............................
مش عارف انت عايزة تقولي اية
واية علاقة دة باللوحة !!!؟
اللوحة لا تعتبر تجريدية
دي تندرج تحت مسمي المدرسة التجريبية
لأنها خليط بين التجريدية المستخدمة في رسم وجوه الشخوص المتجمعين في يمين اللوحة وبين التعبيرية في رسم الشخص الجالس يسار اللوحة
فكرة اللوحة تندرج تحت مدرسة السيريالية التصويرية
ففي حالة الجمع بين أكثر من مدرسة في لوحة واحدة نطلق على هذا الاسلوب التجريبي
ده بالنسبة للتحليل النقدي الاكاديمي
يالنسبة لفكرة اللوحة والتنفيذ فهو جيد وأرى إن الفكرة عندك اقوى من التقنية في الرسم ولكن مع الممارسة والرسم الكتير هتتنتج لوحات اعلى تقنية لأن الفكرة عندك عالية وده شيء يميز فنان عن التاني
فمن الممكن انك تلاقي فنان تقنيا شغله مبهر لكن الفكرة ضئيلة
الفكرة دائما هي البطل في اي عمل فني بشكل عام
عفوا للاطالة وأتمنى أن يكون تعليقي اضاف شيء
:)
خالص تحياتي
ياسر حسين
========
حقيقي تعليقك اسعدني
بالنسبة للتحليل النقدي فانا اختلف معك جزئيا
لان الفكرة الغالبة علي اللوحة هي في اصلها سيريالية ...وبالتالي انا باعتبرها من النوع السيريالي البحت
طبعا رئيك وتعليقك شرفني واضافلي كتير جداً
حقيقي الف شكر
:)
ممكن يكون اسمها
الحقيقه العاريه
معنى اللوحة كده على حد فهمى
بس جميله
حازم الجميل 2000
اولا تسلم ايدك
اللوحه حلوه قوي
بس عايزة ممكن دراسه ورسم اكتر
وحاسس فيها انها معبره عن شخصيتك شوية
يعني متمرد وما بتسكتش عن الحق ويمكن خجول سنه
صفات جميله اوي يا حازم وانت معبر عنها في اللوحه بطريقة حلوة
انا شايفه فى اللوحه دى احساس بالخوف سواء من الناظرين او الرجل الجالس شبه عارى ...
مش عارفه .. لوحه غريبه اوى بس تخليك تبص عليها كتير ..
Post a Comment